یەکێتی ئەوروپا بەتوندی داوا لەتورکیا دەکات دیموکراتیەتەکەی بپارێزێت و گفتوگۆ لەگەڵ بەرهەڵستکاران بکات

یەکێتی ئەوروپا بەتوندی داوا لەتورکیا دەکات  دیموکراتیەتەکەی بپارێزێت و گفتوگۆ لەگەڵ بەرهەڵستکاران بکات

 ئەمڕۆ سێشەممە 8/11/2016 یەکێتی ئەوروپا داوایەکی تری نوێ و توندی ئاراستەی تورکیا کرد، پێی راگەیاند گفتوگۆی سیاسی  لەگەڵ بەرهەڵستکاران (ئۆپۆزسیۆن) دەست پێ بکەنەوە و دیموکراتیە کەی ڕزگار بکات، بەهۆی ئاڵۆزیەکانی ئەم دوایە ناو تورکیا کە جێگای دڵەراوکێ و نیگەرنی یەکێتی ئەوروپایە.

لەبەیان نامەیەکدا کە بەرپرسی سیاسەتی دەروەی یەکێتی ئەوروپا ( فیدریکا موگبیرینی)  بلاوی کردەوە، یەکێتی ئەوروپا  و وڵاتانی ئەندام  دوبارە ئیدانەی هەوڵدان بۆ کودەتاکەی 15/7/2016  دەکەنەوە، سەرباری ئەوەی دەبوو  تورکیا هەنگاوی گونجاو بنێ لەم بارەوە  بەلام پێوست دەکات دیموکراتی پەرلەمانیەکەی بپارێزێت ،هاوکات  مافی مرۆڤ و سەروەری یاسا، ئازادیە بنەڕەتیەکان ، مافی هەموانە لە دادگایەکی عادیلانەدا دادگایی بکرێن،  بەرجەستە کردنی ئەمانە هەمووی  و گونجاندنی لەگەڵ  ئەندامێکی هەڵبژێردراو  بۆ یەکێتی ئەوروپا .

لەدرێژەی بەیانەکەدا یەکێتی ئەوروپا دوپاتی کردۆتەوە  لەنزیکەوە  چاودێری و هەڵسەنگاندن  بۆ بارو دۆخی ئاڵۆزی نیو تورکیا دەکات، وە ئامادەیە وتووێژی سیاسی  بکات لەگەڵ تورکیا لەسەر ئەم ڕۆژەڤە.

د.ناجح گوڵپی  8/11/2016